MBETO:MSHIKAMANO NA UMOJA NYENZO ZA USHINDI KWA CCM

Na Mwandishi  Wetu, Zanzibar

Chama Cha Mapinduzi kimewataka wanachama wake kujua kuwa  umoja,mshikamano na ushirikiano ndani ya chama ,ndio msingi wa  ushindi kwa chama hicho.

Pia chama hicho kimeapa kutomvumilia Mwanachama wake yoyote atakaebainika  kuunda makundi ya mgawanyiko. 

Hayo yametamkwa na Katibu  wa Kamati Maalum  ya NEC Zanzibar, Idara ya Itikadi, Uenezi na Mafunzo,Khamis Mbeto Khamis  na kusema  chama cha siasa maakini siku  zote kinahitaji  umoja, upendo na ushirikiano .

Mbeto alisema kila Mwanachama au Kiongozi wa CCM , anapaswa kujua  lengo kuu la chama hicho ni kushinda chaguzi zote za dola, hivyo umoja na ushirikiano ni kipaumbele namba moja.

Alisema Uchaguzi ndani ya chama unapomalizika , Wanachama  hutakiwa kuwa wamoja , na yeyote atakaebainika anaendeleza makundi , ataadhibiwa kwa mujibu wa katiba na kanuni za chama .

"Umoja na Mshikamano huchochea kuni za ushindi . Asitokee wa kutugawa  au kudhoofisha  malengo yetu .Tutaendelea kushinda na kushika dola kwa ridhaa ya wananchi  " Alisema Mbeto. 

Aidha, Katibu  huyo Mwenezi  aliwataka viongozi wa chama katika ngazi zote, kufanyakazi za chama ndani ya chama,nje na ndani ya umma kwa umakini na bidii.

Katibu huyo Mwenezi alieleza kuwa ,CCM kitaendelea kuhimiza Umoja, ushirikiano na Mshikamano,  kama nyenzo kuu za  kukipatia chama ushindi  wa kishindo