BOT YAUZA DOLA ZA MAREKANI MILIONI 25 KUPITIA MNADA WA USHINDANI

USHIRIKI KATIKA SOKO LA JUMLA LA FEDHA ZA KIGENI

Benki Kuu ya Tanzania imeshiriki katika Soko la jumla la Fedha za Kigeni (IFEM) kwa mujibu wa Sera yake ya ushiriki katika soko la Fedha za Kigeni ya mwaka 2023. Katika ushiriki huu, Benki Kuu imeuza Dola za Marekani milioni 25 kupitia mnada wa ushindani kwa kiwango cha wastani cha kubadilisha fedha za kigeni cha Shillingi 2,663.16 kwa Dola moja ya Marekani. Mnada ulifanyika kupitia mfumo wa kielekroniki wa kufanyia Minada ya Fedha za Kigeni yaani “FX Auction System”. Mnada huu ulifanyika kama sehemu ya utekelezaji wa Sera ya Fedha ya Benki Kuu.

Matokeo ya Mnada wa Fedha za Kigeni ni kama ifuatavyo:

1. Sarafu                                                          USD

2. Kiasi Kilichotangazwa                              25,000,000.00

3. Maombi yaliyowasilishwa                     75,250,000.00

4. Kiasi Kilichokubaliwa                              25,000,000.00

5. Kiwango cha wastani kilichokubaliwa       2,663.16

6. Kiwango cha juu cha ushindani              2,670.00

7. Kiwango cha chini cha ushindani               2,640.00

8. Kiwango cha juu kilichokubaliwa                2,670.00

9. Kiwango cha chini kilichokubaliwa        2,658.20

10. Idadi ya benki zilizoshiriki                       25