Na Mwandishi Wetu, Dar es salaam
Mamlaka ya Maendeleo ya Biashara Tanzania Tan Trade Imesema inaendelea kukaa na Wadau wake wa Biashara kupokea Maoni namna ya kuboresha kanuni za Biashara zitakazowaongoza na kuleta taswira chanya ya Uchumi Nchini
Ameyasema hayo Leo Machi 11,2026 Dar es salaam Kaimu Mkurugenzi wa Uendelezaji Biashara TanTradeTanzania Trade Development Authority (TanTrade) Tito Nombo katika kikao cha kiliwakutanisha wawakilishi wa wafanyabiashara pamoja na wadau wengine lengo ni kupitia rasimu ya kanuni zinazolenga kuimarisha uendelezaji wa biashara na kurahisisha shughuli za kibiashara na kuimarisha mazingira ya kufanya biashara nchini.
Kaimu Mkurugenzi wa Uendelezaji Biashara katika TanTrade, hivyo kikao hiko ni sehemu ya mashauriano yanayoendelea kwa kukusanya maoni kutoka kwa wafanyabiashara na wadau wengine ili kuboresha miongozo inayosimamia maendeleo ya biashara.
“TanTrade ina jukumu muhimu la kutambua na kutangaza masoko ya bidhaa za Tanzania ndani na nje ya nchi,” alisema Nombo,
akiongeza kuwa mamlaka hiyo pia inafanya kazi ya kuhakikisha inaweka mazingira rafiki kwa biashara ili ziweze kuingia katika Masoko ya Kimataifa na kushindana.
Alisema kuwa taasisi hiyo inaendelea kujenga uwezo wa biashara Kwa kuongeza wigo mpana na kuratibu ushiriki wa Tanzania katika maonesho ya biashara ya kitaifa na kimataifa chini ya sera na kanuni zinazowezesha shughuli hizo.
Francis Lemelo, afisa wa sheria wa TanTrade, alisema rasimu ya kanuni hizo zimeandaliwa kusaidia wadau mbalimbali katika sekta ya biashara.
Alisema mfumo huo unaopendekezwa unajumuisha seti tano za kanuni zilizoidhinishwa na Bunge, ambazo zinalenga kuongoza shughuli na huduma za mamlaka hiyo.
TanTrade ilisema kuwa mageuzi hayo ni sehemu ya juhudi pana za kusasisha sera na mifumo ya kanuni ili kuendana na mabadiliko yanayoendelea katika sekta ya biashara.
Wanufaika wakuu wa mabadiliko hayo ni pamoja na biashara ndogo, za kati na kubwa, wauzaji nje wa bidhaa, wanaotarajia kuuza nje, vyama vya wafanyabiashara na taasisi za sekta binafsi.
Wadau pia walitoa maoni kuhusu namna ya kuboresha lebo ya “Made in Tanzania”, ambayo inalenga kutangaza bidhaa zinazozalishwa nchini katika masoko ya ndani na ya kimataifa.
Deo Shayo, Kaimu Meneja wa Uendelezaji Biashara TanTrade, alisema lebo hiyo husaidia kulinda utambulisho wa bidhaa huku ikiongeza uaminifu na thamani ya soko kwa bidhaa na huduma.
“Chapa imara ya ‘Made in Tanzania’
huiweka nchi kwenye ramani ya soko la kimataifa, inakuza ushindani wa haki na kuimarisha utambuzi wa bidhaa za Tanzania duniani,” alisema Shayo.
Washiriki pia walipendekeza maboresho katika maeneo kama uthibitishaji wa minyororo ya thamani, kanuni za maonesho ya biashara na taratibu za utoaji wa leseni za biashara, huku maafisa wakitoa ufafanuzi wa kitaalamu wakati wa kikao hicho.
0 Comments