Na Victor Masangu,Pwani
Waziri wa katiba na sheria Mhe.Abdalah Ulega amewaagiza wataalamu wote waliopangwa katika kampeni ya msaada wa kisheria ya pili kuhakikisha wanatimiza wajibu wao ipasavyo kwa kutenda haki kwa wananchi bila ubaguzi wowote hasa kwa wale wenye uwezo mdogo pamoja na wale ambao ni wanyonge waweze kupatiwa haki zao zote kwa mujibu wa sheria na taratibu za nchi
Ulega ametoa kauli hiyo wakati wa ufunguzi wa kampeni ya msaada wa kisheria ya Mama Samia Legal Aid awamu ya pili katika Mkoa wa Pwani ambao umefanyika katika viwanja vya stendi ya zamani maili moja Wilaya ya Kibaha Mkoa wa Pwani na kuhudhuliwa na viongozi mbali mbali wakiwemo wa serikali, viongozi wa chama, wabunge,taasisi wezeshi pamoja wananchi.
Naye Mkuu wa Mkoa wa Pwani Stanslaus Nyongo amesema kwamba kampeni hiyo itaweza kuwa mkombozi mkubwa kwa wananchi wa maeneo ya pembezoni ambao walikuwa wanakabiliwa kwa kipindi kirefu na changamoto mbali mbali hususan migogoro ya ardhi kuweza kupata msaada wa kisheria bure hasa wanawake na watoto.
Kwa upande wake Makamu mwenyekiti wa kamati ya kudumu ya Bunge ya Utawala katiba na sheria Mhe. Edwin Swale amempongeza kwa dhati Rais wa awamu ya sita Dkt. Samia Suluhu Hasssan kwa kuweza kuanzisha kampeni hiyo ya msaada wa kisheria ambayo kwa lengo la kuwasaidia wananchi wa mbali mbali kuweza kupata haki zao.
Kampeni ya msaada wa kisheria ya Mama Samia Legal Aid awamu ya pili imezunduliwa rasmi katika Mkoa wa Pwani na Waziri wa katiba na sheria Abdalah Ulega na kwamba itakuwa ni mkombozi kwa mamilioni ya wananchi wa Tanzania katika masuala ya ardhi,miradhi, unyanyasaji wa kijinsia pamoja na utatuzi wa mambo mbali mbali.
0 Comments